2025 թվականին Երևանում առողջապահության ոլորտում իրականացվել են մի շարք կարևոր ծրագրեր և ներդրումներ՝ ուղղված բժշկական ծառայությունների որակի և մատչելիության բարձրացմանը։ Այս մասին հայտնում է Երևանի քաղաքապետարանը։

Մասնավորապես, «Սուրբ Աստվածամայր» բժշկական կենտրոնում ստեղծվել է անհետաձգելի շտապբուժօգնության ծառայություն, ինչը հնարավորություն է տալիս արագ և արդյունավետ արձագանքել շտապ բժշկական դեպքերին։

Քաղաքապետարանի տվյալներով՝ ձեռք են բերվել ավելի քան 260 միլիոն դրամ արժողությամբ ժամանակակից բժշկական սարքավորումներ, որոնք կօգտագործվեն տարբեր բուժհաստատություններում։

Միաժամանակ շահագործման է հանձնվել «Արաբկիր» առողջության կենտրոնը, որը նախատեսված է բնակչությանը բազմապրոֆիլ բուժօգնություն տրամադրելու համար։

Տարվա ընթացքում երևանցիներին տրամադրվել են նաև մի շարք դժվարամատչելի բժշկական ծառայություններ՝ պետական աջակցության շրջանակում։

Բացի այդ, շտապօգնության համակարգի բարելավման նպատակով ձեռք է բերվել շտապբուժօգնության 7 նոր մեքենա, որոնք արդեն ընդգրկվել են քաղաքային ծառայության կազմում։