X սոցիալական ցանցի գլխավոր տնօրեն Լինդա Յակարինոն հունիսին աշխատանքից ազատել է բիզնես գործառնությունների ղեկավար Ջո Բենարոխին։ Թոփ մենեջերը համարվում էր ընկերության գլխավոր տնօրենի աջ ձեռքը։ Ըստ Financial Times-ի՝ Բենարոխի հեռացման պատճառը X-ի սեփականատեր Իլոն Մասկի ճնշումն է եղել։ Միլիարդատերը պահանջում է նվազեցնել ծախսերը և բարձրացնել ընկերության շահութաբերությունը։ Թերթի աղբյուրների համաձայն՝ բիզնես-գործառնությունների նախկին ղեկավարի պաշտոնանկության պատճառը եղել է տարիքային սահմանափակումներով բովանդակության քաղաքականության թարմացման սխալը։ Հունիսի սկզբին X-ը պաշտոնապես թույլատրել է էրոտիկ բովանդակության հրապարակումը՝ լուսանկարներում և տեսանյութերում հայտնված անձանց համաձայնությամբ։ Նշվում է, որ Բենարոխը օգտատերերին չի տեղեկացրել առաջիկա փոփոխությունների մասին, և դա ծառայել է որպես նրա պաշտոնանկության պաշտոնական պատճառ։ Բենարոխը Լինդա Յակարինոյի աջ ձեռքն էր. թոփ-մենեջերը X-ում եկավ անցյալ ամառ, իսկ նախկինում աշխատել է NBCUniversal-ում սոցիալական ցանցի գործադիր տնօրենի հետ: Իլոն Մասկը Լինդա Յակկարինոյին ներկայացրել է որպես Twitter-ի (այժմ՝ X) նոր գործադիր տնօրեն 2023 թվականի մայիսին։ Հետո միլիարդատերը թողեց գործադիր տնօրենի պաշտոնը և դարձավ ընկերության տեխնիկական տնօրենը։ Ինչպես ընդգծում է FT-ն, այդ ժամանակվանից Մասկի և Յակկարինոյի հարաբերությունները վատթարացել են՝ կապված ծախսերը նվազեցնելու գործարարի մշտական պահանջների հետ։ Բենարոխի պարտականությունները կստանձնի կառավարության հետ կապերի ղեկավար Նիք Փիքլսը: FT-ն նշում է, որ Փիքլզը ընկերության այն սակավաթիվ թոփ մենեջերներից է, ով «փրկվել է» Իլոն Մասկի կողմից Twitter-ի գնումից: