Արագած լեռան լանջին 4489 հա տարածքում Ռիդ ընկերությունը կկառուցի էկո գյուղ, ագրոարդյունաբերական համալիր, լեռնադահուկային հանգստավայր և ջրամբար։ Ծրագիրն իրականացնելու համար նախարարների կաբինետը գերակա հանրային շահ է ճանաչել Վարդենուտ, Արագած, Արա և Շենավան գյուղերի որոշ հողատարածքներ։ Վարդենութցիներից ոմանք դժգոհում են, որ տրվող փոխհատուցման չափը բավարար չէ։ Վեճը լուծելուց հետո ընկերությունը կսկսի շինարարական աշխատանքները։