Չնայած Իլոն Մասկի գլխավորած ուղեղ-համակարգիչ ինտերֆեյսի (BCI) մշակմամբ զբաղվող Neuralink ընկերությունը իմպլանտացիայի ոլորտում հաջողությունների շնորհիվ հայտնվել է թերթերի գլխագրերում, այն միակը չէ, որն առաջ է շարժվում այս նորարարական ոլորտում: GlobalData-ն ներկայացրել է երեք նշանակալի մրցակիցների, որոնք հաջողությունների են հասել BCI տեխնոլոգիայի ոլորտում:
Synchron-ը զգալի առաջընթաց է գրանցել կլինիկական փորձարկումներում: Ընկերությունն ավարտել է վաղ տեխնիկատնտեսական հիմնավորումը և պատրաստվում է լայնածավալ փորձարկումների: Ներդրողների աջակցությամբ, որոնց թվում են Ջեֆ Բեզոսը և Բիլ Գեյթսը, Synchron-ը ներդրվել է վեց պացիենտի: Ընկերությունն աշխատում է կոմերցիոն օգտագործման համար թույլտվություն ստանալու ուղղությամբ:
BrainGate-ը, որը մշակվել է Բրաունի համալսարանի հետազոտողների կողմից, նույնպես դարձել է BCI տեխնոլոգիայի առաջամարտիկըս։ Համակարգը, որն առաջինն է ուղեղի հրահանգներն անլար եղանակով փոխանցում համակարգչին, այժմ ուշադրության կենտրոնում է: Վերջին փորձարկումները, որոնց արդյունքները հրապարակվել են New England Journal of Medicine-ում, ցույց են տվել տեխնոլոգիայի կարողությունը՝ թույլ տալիս ամիոտրոֆիկ կողային սկլերոզով հիվանդին հաղորդակցվել մինչև 97% ճշգրտությամբ:
Clinatec ընկերության Wimagine սարքը խոստումնալից արդյունքներ է ցույց տվել, մասնավորապես, ուղեղի և ողնուղեղի միջև կապի վերականգնման հարցում: Onward Medical-ի հետ համագործակցությամբ ընկերության BCI տեխնոլոգիան թույլ է տվել տետրապլեգիկ հիվանդներին կանգնել և քայլել «բնական կերպով»:
