iPhone-ում Spotlight որոնման մեջ ընդամենը չորս նիշ մուտքագրելը կարող է հանգեցնել սարքի խափանման: Որպեսզի iPhone-ը խափանվի, բավական է մուտքագրել հետևյալ չորս նիշերը՝ »»::։ Միաժամանակ, ըստ TechCrunch-ի, սարքի աշխատանքի խափանման համար բավական է մուտքագրել երեք հատուկ նիշ »»:, իսկ հետո՝ ցանկացած չորրորդը:
Փորձագետները նշում են, որ այս խնդիրը ոչ մի կերպ չի ազդում սարքի անվտանգության վրա, սակայն հայտնի չէ՝ արդյո՞ք ինչ-որ մեկը կարող է հեռակա կարգով օգտատիրոջ սմարթֆոնի խափանում առաջացնել։
9to5Mac-ը հայտնաբերված խոտանը փորձարկել է iOS-ի տարբեր տարբերակներով աշխատող մի քանի iPhone-ների վրա։ iOS 17-ի վերջին տարբերակում այս նիշերի մուտքագրումը հանգեցնում է iPhone-ի վերագործարկման: iOS 18-ի և iOS 18.1-ի դեպքում նիշերի մուտքագրումը հանգեցնում է Spotlight-ի խափանման և աշխատասեղանի աշխատանքի մասնակի խոտանման։
Apple-ը դեռևս չի մեկնաբանել տեղեկությունը։ Ակնկալվում է, որ ընկերությունը կշտկի հայտնաբերված խոտանը iOS-ի ապագա թարմացումներում:
