Samsung-ը ծրագրում է նոր գերբարակ ծալվող Galaxy Z Fold 6 Slim սմարթֆոնը ներկայացնել 2024 թվականի սեպտեմբերի 25-ին, հաղորդում է հյուսիսկորեական The Chosun Daily-ն։
Ակնկալվում է, որ այն կլինի ընկերության ամենաբարակ ծալվող սմարթֆոնը՝ 10 մմ-ից մի փոքր ավելի հաստությամբ, ինչը զգալիորեն պակաս է ստանդարտ Galaxy Z Fold 6-ից, որի հաստությունը 12,1 մմ է:
Ըստ տեղեկությունների՝ Z Fold 6 Slim-ը կունենա 6,5 մատնաչափ արտաքին և 8 մատնաչափ ներքին էկրան։ Սարքը հասանելի կլինի սև գույնով և կարժենա շուրջ 2100 դոլար:
Հարկ է նշել, որ նման բարակության հասնելու համար Samsung-ը, հավանաբար, կհեռացնի թվայնացնող շերտը, ինչը Galaxy Z Fold 6 Slim-ն անհամատեղելի կդարձնի S Pen գրիչի հետ։
Հաղորդվում է նաև, որ նոր արտադրանքը կունենա ստանդարտ տարբերակին նման տեսախցիկներ, ներառյալ՝ 10 Մպ առջևի տեսախցիկ և 12 Մպ գերլայն տեսախցիկ, սակայն էկրանի տակ տեղադրված 5 Մպ տեսախցիկով:
