«Վերջին տասնամյակների ընթացքում շախմատի ոլորտը արմատական փոփոխություններ է կրել։ Այսօր պրոֆեսիոնալ շախմատիստի համար թվային տեխնոլոգիաներ օգտագործելը նույնն է, ինչ բռնցքամարտիկի համար լավ ձեռնոցներ կամ ֆուտբոլիստի համար լավ կոշիկներ ունենալը։
Chessify-ը հարթակ է, որը նմանատիպ տեխնոլոգիաներ է տրամադրում շախմատիստներին: Եվ, առանց անհամեստ թվալու, նա աշխարհի երեք լավագույններից մեկն է։
2022 թվականի դեկտեմբերից մենք առաջարկություններ ենք ներկայացրել Մշակույթի, գիտության և սպորտի նախարարություն՝ աջակցելու Հայաստանի պրոֆեսիոնալ շախմատիստներին այս ուղղությամբ, բայց ամեն ինչ դեռ սխալ է ընթանում։ Թերևս սխալ ուղղությամբ ենք մոտեցել այս առաջարկին։ Մենք ասացինք, որ կկրկնապատկենք կառավարության կողմից տրամադրվող աջակցությունը։ Վերջերս տեսա մի տեսանյութ, որտեղ վարչապետը ճիշտ նույն առաջարկն էր անում, բայց մյուս կողմից։ Նրա խոսքով, կառավարությունը պատրաստ է կրկնապատկել ոլորտին բիզնեսի օգնությունը։ Ես հաճույքով կընդունեի այս առաջարկը։ Chessify-ը պատրաստ է առաջիկա 5 տարիների ընթացքում աջակցել շախմատային ոլորտին տարեկան 20 մլն դրամի չափով։ Մենք ակնկալում ենք, որ կառավարությունը կկրկնապատկի այս գումարը հարթակում մարզվելու համար, որպեսզի հայ մարզիկները բավականաչափ միջոցներ ունենան նշանակալի արդյունքներ ցույց տալու համար»։
