Binance կրիպտո փոխանակման խոշորագույն բորսայի հիմնադիր Չանգպեն Չժաոն առաջին անգամ կապ է հաստատել ամերիկյան բանտից ազատվելուց հետո։ Միլիարդատերը կիսվել է ապագայի հետ կապված իր ծրագրերով և նշել, որ դեռևս մտադիր չէ վերադառնալ Binance։
«Binance, կարծես, լավ է անում առանց ինձ, ինչը հիանալի է:Յուրաքանչյուր հիմնադիրի երազանքը», – գրել է Ժաոն իր X-ում:
Ձեռնարկատերն ասել է, որ շարունակելու է ներդրումներ կատարել բլոկչեյնի և այլ ապակենտրոնացված տեխնոլոգիաների, ինչպես նաև բիոտեխնոլոգիաների և արհեստական ինտելեկտի մեջ։ Բացի այդ, Չժաոն նախատեսում է ավելի շատ ժամանակ տրամադրել բարեգործությանը և կրթությանը։ Binance-ի հիմնադիրն ընդգծել է, որ Giggle Academy հարթակը, որն առաջարկում է անվճար դասընթացներ դպրոցականների համար, «կարևոր դեր կխաղա իր կյանքում առաջիկա մի քանի տարիների ընթացքում»: Միլիարդատերը նշել է, որ իր առցանց դպրոցը «լավ է ընթանում»։ Միևնույն ժամանակ, ապրիլին Giggle Academy X-account-ում տեղեկություն հայտնվեց պլատֆորմի բետա թեստավորման մոտալուտ մեկնարկի մասին, որն այդ ժամանակից ի վեր չի թարմացվել։ Ի վերջո, գործարարը կշարունակի աշխատել իր գրքի վրա, որը, ըստ նրա, պատրաստ է «մոտ երկու երրորդով»: Ըստ Bloomberg-ի ինդեքսի՝ 2024 թվականի հունվարին Չժաոյի կարողությունը կազմել է 30,8 միլիարդ դոլար։ Կրիպտո փոխանակման խոշորագույն բորսայի նախկին գործադիր տնօրենը լքել է իր պաշտոնը անցյալ տարվա նոյեմբերին՝ Միացյալ Նահանգների իշխանությունների հետ համաձայնության շրջանակներում: Չնայած դրան, Չժաոն այս տարվա մայիսին դատապարտվել է չորս ամսվա ազատազրկման։ Գործարարն իրեն մեղավոր է ճանաչել և համաձայնել է վճարել 50 միլիոն դոլար տուգանք՝ բանկային գաղտնիքի մասին օրենքը խախտելու, փողերի լվացման և պատժամիջոցները շրջանցելուն աջակցելու դեպքում։
