Հայաստանը կարող է դառնալ արհեստական ինտելեկտի ոլորտում համաշխարհային առաջատար՝ ստեղծելով «AI City», որտեղ կհավաքվեն հազարավոր գիտնականներ ամբողջ աշխարհից։ Աշխարհում ոչ մի երկիր չի ունենա բազմամոդուլային ծրագրերի նման բանկ։ Գիտնականները միմյանց հետ կմրցեն այս քաղաքում գտնվելու իրավունքի համար։ Նրա պատկերացումներով՝ այս քաղաքում գիտնականները կկիսվեն իրենց անձնական տվյալներով, որոնց հիման վրա նոր բացահայտումներ կարվեն ու կզարգանան տեխնոլոգիաներ։ Նախագծի համաձայն՝ արհեստական ինտելեկտի քաղաքում կապրի մոտ 75 հազար մարդ, ովքեր իրենց կյանքի և առօրյայի մասին բոլոր տվյալները կօգտագործեն հետազոտության մեջ։ Դեյվիդ Յանգի նախաձեռնության իրականացումը մեծ ֆինանսական ներդրումներ է պահանջում։
«Որպեսզի այս քաղաքն իրականություն դառնա, շատ երկրների ֆինանսավորում է պահանջվելու։ Նրանք կարող են դառնալ այս միջազգային գիտական նախագծի մի մասը միայն միլիարդավոր դոլարներ ներդնելով»,- նշել է Յանը։ Նա ընդգծել է, որ պետությունները կկարողանան գիտնականներ ուղարկել միայն նախագիծը ֆինանսավորելու դեպքում, հակառակ դեպքում նրանք կմնան խաղից դուրս։
Գաղափարի հեղինակի կարծիքով՝ Հայաստանում կան շատ տաղանդավոր մարդիկ, սակայն արհեստական ինտելեկտի քաղաք ստեղծելու համար ավելին է անհրաժեշտ։
«Մեզ պետք է բազմամշակութային միջավայր։ Սիլիկոնյան հովիտը հաջողության է հասել, քանի որ դրա ստեղծմանը նպաստել են երկու միլիոն տեխնոլոգիական միգրանտներ: Նրանք համախմբվեցին, և այս կենսունակ միջավայրը հանգեցրեց հսկայական առաջընթացի, որի արդյունքում հայտնվեցին Google-ը, Facebook-ը, Twitter-ը և այլն: Հայաստանը պետք է ուշադրություն գրավի աշխարհի տարբեր ծայրերից: Հետո այն կարող է դառնալ տեղական Սիլիկոնային հովիտ»,- ասել է Դեյվիդ Յանը։
