Կրիպտոարժույթի բորսայի գործադիր տնօրեն Ռիչարդ Թենգը մեկնաբանել է իր գործընկերոջ ազատ արձակումը: «Մենք խորապես թեթևացած և երախտապարտ ենք, որ Նիգերիայում գրեթե ութ ամիս ազատազրկումից հետո Տիգրան Ղամբարյանը վերջապես ազատ է արձակվել։ Նրա առողջությունն ու բարեկեցությունը մնում են մեր առաջնահերթությունը, և մենք երախտապարտ ենք, որ նա այժմ կարող է իր ընտանիքի հետ ստանալ իրեն անհրաժեշտ բժշկական օգնությունն ու հանգիստը»:

Binance-ի Global Intelligence and Investigations գծով փոխնախագահ Տիգրան Ղամբարյանը Նիգերիայում կալանքի տակ է գտնվում փետրվարից, երբ նա երկիր էր եկել կառավարության հրավերով՝ քննարկելու ընկերության հետ կապված հարցեր։