Ուսուցիչների կամավոր ատեստավորման քննությունները կանցկացվեն նոյեմբերի 9-ից նոյեմբերի 24-ը։ Ուսուցիչները ատեստավորմանը մասնակցելու համար ներկայացրել են 6190 հայտ, որն այս տարվանից կիրականացվի բացառապես էլեկտրոնային եղանակով։ Կամավոր ատեստավորում անցած բոլոր ուսուցիչների բազային աշխատավարձի դրույքաչափը կբարձրանա մինչև 200 հազար դրամ (108-125 հազար դրամի փոխարեն), որին կավելացվի ատեստավորման արդյունքներին համապատասխանող 30-50 տոկոս հավելավճար (260-300 հազ. դրամ):