2023թ.-ի հունվար-դեկտեմբեր ամիսներին Հայաստանի և այլ երկրների միջև արտաքին առևտրաշրջանառության ծավալը կազմել է 20,723.2 մլն ԱՄՆ դոլար։ 2022թ. ցուցանիշի համեմատ գրանցվել է աճ 46.0%-ով: Գործընկեր երկրների հետ առևտրային հարաբերություններում ներմուծումը գերազանցել է արտահանումը 3,892.8 մլն ԱՄՆ դոլարով: 2023թ.-ի հունվար-դեկտեմբերին Հայաստանն արտահանել է 8,415.2 մլն ԱՄՆ դոլարի արտադրանք, իսկ այլ երկրներից ներմուծել 12,308.0 մլն ԱՄՆ դոլարի արտադրանք: Նախորդ տարվա նույն ժամանակահատվածի համեմատ, արտահանման աճը կազմել է 55.3%, իսկ ներմուծման ոլորտում արձանագրված աճը՝ 40.2%։