Ուելսի բժիշկները անցկացրել են հետաքրքիր և անսպասելի արդյունքներ արձանագրած հետազոտություն։ Նրանք պարզել են, որ պատվաստանյութը կարող է նվազեցնել դեմենցիայի (մոռացության) ռիսկը մոտ 20 տոկոսով։ Թե ինչպես է դա գործում՝ առայժմ անհասկանալի է, սակայն վիճակագրությունը հուշում է, որ տարեց մարդկանց պատվաստումը կարող է դրական ազդեցություն ունենալ ոչ միայն կանխատեսելի հիվանդությունների, այլ նաև տարիքային հոգեկան խնդիրների վրա։
Ինչն է առանձնացնում Ուելսի հետազոտությունը
Հետազոտությունները հաճախ ունենում են խեղաթյուրված պատկեր, քանի որ պատվաստվում են հիմնականում այն մարդիկ, ովքեր հետևում են իրենց առողջությանը, մինչդեռ մյուսները՝ ոչ։ Սակայն Ուելսում 2013 թվականին պատվաստումը պարտադիր է դարձել բոլոր 79 տարին լրացած անձանց համար։ Այդ որոշումը թույլ է տվել բժշկներին ուսումնասիրել համարժեք խմբեր՝ նույն տարիքի ու կենսակերպի մարդկանց, որոնց մի մասը պատվաստվել է, իսկ մյուս մասը՝ ոչ։
Մասնակիցների քանակը՝ 282,541 մարդ։
Հետազոտության արդյունքներով՝ պատվաստվածների մոտ դեմենցիայի առաջացման դեպքերը 20% պակաս են, և միակ տարբերությունը՝ պատվաստումն է։
Այս ինչո՞ւ է կարևոր
Պատվաստումը կարող է ունենալ անսպասելի, բայց օգտակար ազդեցություններ, որոնց մենք պարզապես դեռ չենք անդրադարձել։ Սա կարող է լինել նոր ուղի՝ տարեց մարդկանց առողջությունն ու կյանքի որակը բարելավելու համար։
