«Ապօրինի շինարարության պատճառով է, որ այսօր այգիներում կան տարատեսակ շինություններ, որոնց տերերը հետո փորձում են պայքարել դրանք սեփականացնելու համար, երբ քաղաքապետարանը փորձում է մաքրել այգիներից այդ շինությունները։ Տարատեսակ կրպակները, որոնք մայթ են փակում, տարբեր դատական պրոցեսներ են հարուցում Երևանի քաղաքապետարանի դեմ»,- նշել է քաղաքապետը։
Ավինյանը նշեց, որ առողջ մտածելակերպ չէ, նորմալ չէ, երբ մարդը մտածում է՝ ոնց անի․ բակի անկյունն իրենով անի․
«Փողի գողը գող է, հողի գողը գող չէ՞, հողի գողն էլ է գող և, առհասարակ, համայնքային հողի վրա կառուցապատվող որևէ շինություն ամենակոշտ ձևով քանդվելու է»,- նշեց քաղաքապետը։
Քաղաքապետը նաև վստահեցրել է. «Պայքարելու ենք ամենակոշտ մեթոդներով, և Երևանի քաղաքապետարանն անհոգնել քանդելու է նոր առաջացող ապօրինի շենքեր-շինություններ, հարկեր, կցակառույցներ, առաջ տված բալկոններ»:
