Երևանի քաղաքային կառավարման տեխնոլոգիաների կենտրոնի կողմից մշակված նորարարական համակարգերը զգալի ազդեցություն են ունենում երևանցիների առօրյա կյանքի վրա՝ դարձնելով քաղաքային ծառայությունները առավել հասանելի, արդյունավետ և ժամանակակից։

Ինչպես նշել է Երևանի քաղաքապետ Տիգրան Ավինյանը, շուտով կգործարկվի նաև YES ծառայությունների միասնական հարթակը, որը կներկայացնի ևս մեկ կարևոր քայլ քաղաքային ծառայությունների թվայնացման և դրանց մատչելիության բարձրացման ուղղությամբ։

Հարթակի նպատակը քաղաքային գործառույթների կենտրոնացումն է մեկ ինտերակտիվ համակարգում՝ ապահովելով արագ և հարմարավետ կապ քաղաքապետարանի ու քաղաքացիների միջև։