Yandex Armenia-ն պաշտոնապես գործարկում է Ultima պրեմիում ծառայությունը, որի շրջանակում այժմ հնարավոր է պատվիրել ուղղաթիռով թռիչք Yandex Go հավելվածում։ Ծառայությունը մատուցվում է Armenian Helicopters ընկերության հետ համագործակցությամբ։

Թռիչքները հասանելի են երկու ձևաչափով՝

• Copter սակագին – անհատական չարթերային թռիչքներ
• Sky Tour սակագին – ֆիքսված գներով տեսարժան վայրերի օդային շրջայցեր

Ուղղություններն ընդգրկում են Դիլիջան, Սևան, Մեղրի, Գորիս, Քարերի սիմֆոնիա, Գառնիի կիրճ և այլ հայտնի վայրեր։ Թռիչքները հնարավոր է սկսել Երևանից կամ այլ քաղաքներից՝ հավելվածում նշված վայրերից։

Ամրագրումը հնարավոր է կատարել մեկնումից առնվազն 2 ժամ և առավելագույնը 1 ամիս առաջ։

Copter սակագինը հաշվարկվում է ըստ թռիչքի տևողության, իսկ Sky Tour սակագինը՝ ֆիքսված է։

Թռիչքները նախատեսված են առավելագույնը 5 ուղևորի համար՝ մինչև 410 կգ ընդհանուր քաշով (ներառյալ ուղեբեռը)։

Բոլոր թռիչքները ապահովագրված են, իսկ ուղևորները նախքան թռիչքը անցնում են համապատասխան հրահանգավորում և փաստաթղթային ստուգում։