Կանադան կիրակի ուշ երեկոյան կասեցրել է ամերիկյան տեխնոլոգիական ընկերությունների նկատմամբ սահմանված թվային ծառայությունների մաքսը՝ այն ուժի մեջ մտնելուց ընդամենը մի քանի ժամ անց։ Ֆինանսների նախարարության հայտարարության համաձայն՝ այս քայլը միտված է նպաստել ԱՄՆ-ի հետ առևտրային բանակցությունների վերսկսմանը։

Կանադայի վարչապետ Մարկ Քարնին և ԱՄՆ նախագահ Դոնալդ Թրամփը պատրաստվում են վերսկսել բանակցությունները՝ նպատակ ունենալով մինչև հուլիսի 21-ը ձեռք բերել փոխընդունելի համաձայնություն։

Ավելի վաղ՝ ուրբաթ օրը, Թրամփը կտրուկ դադարեցրել էր բանակցությունները՝ Կանադայի հարկային որոշումը անվանելով «ակնհայտ հարձակում» ամերիկյան տեխնոլոգիական հսկաների վրա։ Կիրակի օրը նա կրկին հաստատել է իր կոշտ դիրքորոշումը՝ հավելելով, որ առաջիկա օրերին պատրաստվում է սահմանել նոր մաքսատուրքեր Կանադայից ներմուծվող ապրանքների նկատմամբ։