Հայաստանը պաշտոնապես ճանաչվել է Միացյալ Նահանգների ռազմավարական գործընկեր կիսահաղորդիչների և արհեստական բանականության ոլորտում։

Կարգավիճակի հաստատումը տեղի է ունեցել Սպիտակ տանը՝ վարչապետ Նիկոլ Փաշինյանի և ԱՄՆ նախագահ Դոնալդ Թրամփի ստորագրած նորարարական համագործակցության համաձայնագրի արդյունքում։

Բարձր տեխնոլոգիական արդյունաբերության նախարար Մխիթար Հայրապետյանի խոսքով՝ համաձայնագրով Հայաստանը հնարավորություն է ստանում դառնալու համաշխարհային տեխնոլոգիական շղթայի կարևոր մասնակից։ Մասնավորապես՝ նախատեսվում է․

• արտահանման պարզեցված ու արագացված մեխանիզմների ներդրում,

• արհեստական բանականության ոլորտում մարդկային կապիտալի զարգացում,

• առաջադեմ տեխնոլոգիաների հասանելիության ապահովում Հայաստանի համար։

Միացյալ Նահանգները նաև պատրաստվում է նպաստել խոշոր միջազգային տեխնոլոգիական ընկերությունների մուտքին Հայաստան և նոր ներդրումների ներգրավմանը։