Հեռահաղորդակցության օպերատոր Viva-ն հայտարարում է ենթակառուցվածքների արդիականացման մեկնարկի մասին՝ Հայաստանի քաղաքներում և գյուղերում 5G տեխնոլոգիայի ներդրման նպատակով։

Ընկերության տեղեկացմամբ՝ որոշ բնակավայրերում աշխատանքների ընթացքում հնարավոր է լինեն ձայնային ծառայությունների և տվյալների փոխանցման որակի կարճաժամկետ անկումներ կամ ժամանակավոր անջատումներ։

Նախագիծը միտված է կապի որակի բարձրացմանը և նոր սերնդի արագ ինտերնետային ծառայությունների հասանելիությանը ողջ հանրապետությունում։