ՄԱԿ Comtrade հարթակի հրապարակած վերջին տվյալների համաձայն՝ 2025 թվականի առաջին կիսամյակում Հայաստանը գրանցել է գարեջրի արտահանման աննախադեպ աճ դեպի Ռուսաստան։

Եթե 2024 թվականի նույն ժամանակահատվածում արտահանման ծավալները կազմել էին ընդամենը 0.57 միլիոն դոլար, ապա այս տարվա ցուցանիշը հասել է 5.15 միլիոն դոլարի, ինչը մոտ իննապատիկ աճ է։

Տնտեսագետների գնահատմամբ՝ այս միտումը պայմանավորված է ինչպես հայկական գարեջրի մրցունակության բարձրացմամբ ռուսական շուկայում, այնպես էլ փոխարինող արտադրանքի նկատմամբ մեծածավալ պահանջարկով։

Հիշեցնենք, որ վերջին տարիներին Հայաստանի գարեջրի արտադրությունը աճում է՝ շեշտը դնելով տեղական հումքի օգտագործման և արտահանման շուկաների ընդլայնման վրա։