ԱՄՆ-ն և Չինաստանը համաձայնության են եկել վաճառել TikTok սոցիալական ցանցի ամերիկյան բիզնեսը ներդրողների կոնսորցիումին, որի կազմում են Oracle-ը, Andreessen Horowitz-ը և Silver Lake ներդրումային ընկերությունը։ Այս մասին հայտնում է Bloomberg-ը՝ հղում անելով աղբյուրներին։

Գործարքի արդյունքում TikTok-ի մայր ընկերության՝ ByteDance China-ի բաժնեմասը կնվազի մինչև 20%-ից պակաս։ Սա թույլ կտա հարթակին շարունակել գործունեությունը ԱՄՆ-ում և համապատասխանել երկրի ազգային անվտանգության օրենքներին։

Ըստ The Wall Street Journal-ի, ամերիկացի ներդրողները կստանան մոտ 80% բաժնեմաս։ Նախնական պայմանավորվածությամբ կստեղծվի նոր ամերիկյան ընկերություն, որը կկառավարի հավելվածը։ Դրա տնօրենների խորհուրդը հիմնականում կձևավորվի ամերիկացիներից, իսկ մեկ անդամ կնշանակվի ԱՄՆ կառավարության կողմից։

Այս համաձայնությունը կարող է վերջ դնել վերջին տարիների լարվածությանը TikTok-ի շուրջ և ապահովել հարթակի շարունակական ներկայությունը ամերիկյան շուկայում։