Կառավարությունը հավանություն է տվել «Իմեջին Երևան» ընկերության ներդրումային ծրագրին, որով նախատեսվում է Վաղարշապատում ստեղծել միջազգային չափանիշներին համապատասխանող սպորտային համալիր։
Նախագիծը կներառի․
- նոր ֆուտբոլային մարզադաշտ,
- սպորտային բազա,
- ֆուտբոլային ակադեմիա՝ լիարժեք ենթակառուցվածքներով և գույքով։
📌 Նպատակները՝
- Հայտնաբերել և զարգացնել երիտասարդ տաղանդները,
- Ֆուտբոլը և մյուս սպորտաձևերը դարձնել զանգվածային մասնագիտություն,
- Բարձրացնել հայկական ակումբային ֆուտբոլի մակարդակը,
- Մարզիկներին հասցնել միջազգային բարձունքների,
- Ստեղծել պայմաններ միջազգային մրցաշարերի անցկացման համար Հայաստանում։
ԿԳՄՍ նախարար Ժաննա Անդրեասյանը ընդգծել է, որ դպրոցաշինության նոր ծրագրերում պարտադիր բաղադրիչ է նաև ֆուտբոլի դաշտը։
Վարչապետ Նիկոլ Փաշինյանն էլ հավելել է․
«Մեր երկրում սպորտով չզբաղվող երեխա ուղղակի պետք է չլինի։ Դպրոց առանց սպորտդահլիճի՝ չկա դպրոց։ Կրթական ծրագիրը՝ առանց մարմնակրթության, կիսատ է»։
⚽ Սա նշանակում է, որ սպորտային ենթակառուցվածքների զարգացումը դառնում է Հայաստանի կրթական և սոցիալական քաղաքականության առանցքային ուղղություններից մեկը։
