Հայաստանի ազգային ֆուտբոլային հավաքականը սկսել է մարզական հավաքը՝ նախապատրաստվելով Աշխարհի 2026 թվականի առաջնության եվրոպական ընտրական փուլի առաջիկա հանդիպումներին։

Հավաքն անցկացվում է ՀՖՖ Տեխնիկական կենտրոն/ֆուտբոլի ակադեմիայում։ Առաջին խաղը կանցկացվի հոկտեմբերի 11-ին՝ ժամը 20:00-ին, Երևանի Հանրապետական մարզադաշտում, որտեղ մեր թիմը կընդունի Հունգարիային։ Երկրորդ հանդիպումը՝ հոկտեմբերի 14-ին, կայանալու է Դուբլինում, որտեղ Հայաստանը կմրցի Իռլանդիայի հավաքականի դեմ։

Հավաքին միացել է նաև «Ալաշկերտի» պաշտպան Արսեն Սադոյանը, որը նոր է հրավիրվել ազգային թիմ։

Հոկտեմբերի 6-ին մարզական հավաքին մասնակցող ֆուտբոլիստներն են՝

Դարպասապահներ․

Հենրի Ավագյան («Փյունիկ»), Օգնյեն Չանչարևիչ («Նոա»), Արսեն Բեգլարյան («Ալաշկերտ»)

Պաշտպաններ․

Արսեն Սադոյան («Ալաշկերտ»), Կամո Հովհաննիսյան («Արարատ-Արմենիա»), Սերգեյ Մուրադյան («Նոա»), Ստյոպա Մկրտչյան («Օսիեկ»), Էրիկ Փիլոյան («Ուրարտու»), Գեորգի Հարությունյան («Պուշկաշ Ակադեմիա»)

Կիսապաշտպաններ և հարձակվողներ․

Էդգար Գրիգորյան, Կարեն Մուրադյան, Ժիրայր Շաղոյան, Արթուր Սերոբյան (բոլորը՝ «Արարատ-Արմենիա»), Էդուարդ Սպերցյան («Կրասնոդար»), Դավիդ Դավիդյան («Ռոտոր Վոլգոգրադ»), Էդգար Սևիկյան («Ակրոն»), Ուգոչուկվու Իվու («Ռուբին»), Նարեկ Աղասարյան, Էրիկ Սիմոնյան («Ուրարտու»), Կարեն Նալբանդյան («Ալաշկերտ»)։

Վահան Բիչախչյանը, Արթուր Միրանյանը, Տիգրան Բարսեղյանը, Հրանտ Լեոն-Ռանոսը և Նաիր Թիկնիզյանը հավաքականին կմիանան հոկտեմբերի 7-ին, իսկ Լուկաս Զելարայանը՝ Բուդապեշտում։