Արդարադատության նախարար Սրբուհի Գալյանի խոսքով՝ Հայաստանում շուտով քաղաքացիները կկարողանան առցանց ձևով գրանցել երեխայի ծնունդը, ամուսնությունը, ամուսնալուծությունը, ինչպես նաև փոխել անունը՝ առանց տնից դուրս գալու։
Նախարարը նշեց, որ այս նախաձեռնությունը իրականացվում է թվայնացման գործընթացի շրջանակում, որը նպատակ ունի պետական ծառայությունները դարձնել առավել մատչելի և արագ։
Գալյանի խոսքով՝ արդեն իսկ հնարավոր է գրանցվել որպես անհատ ձեռնարկատեր (ԱՁ), իսկ մոտ ապագայում կգործարկվի իրավաբանական անձանց պետական գրանցամատյանի նոր հարթակ, որը թույլ կտա կազմակերպությունների առցանց գրանցում։
