2025 թվականին Հայաստանը հյուրընկալել է ավելի քան 2.26 միլիոն զբոսաշրջիկ։ Այս ցուցանիշը 2.5%-ով գերազանցում է 2024 թվականի արդյունքը (2.21 միլիոն), սակայն 2.8%-ով ցածր է 2023 թվականի ռեկորդային ցուցանիշից, երբ գրանցվել էր 2.33 միլիոն այց։

Տուրիստական հիմնական հոսքը շարունակել է ձևավորվել տարածաշրջանի երկրներից։ Ռուսաստանը պահպանել է առաջատար դիրքը՝ կազմելով այցելությունների 41%-ը կամ շուրջ 922 հազար զբոսաշրջիկ։

Երկրորդ տեղում Վրաստանն է՝ 13%-ով (288 հազար այց), իսկ երրորդը՝ Իրանը՝ 8%-ով (182 հազար այց)։ Առաջատար հնգյակում են նաև Միացյալ Նահանգները՝ 61 հազար, և Չինաստանը՝ 44 հազար զբոսաշրջիկով։

Ընդհանուր տվյալները վկայում են, որ զբոսաշրջությունը շարունակում է մնալ Հայաստանի տնտեսության կարևոր ուղղություններից մեկը՝ պահպանելով կայուն աճի միտումը տարածաշրջանային շուկաների հաշվին։