Eleveight AI ընկերությունը Գեղարքունիքի մարզի Գագարին գյուղում ստեղծում է արհեստական բանականության վրա կենտրոնացած տվյալների կենտրոն, որը կդառնա Հայաստանի՝ գլոբալ AI ենթակառուցվածքների շուկա մուտք գործելու կարևոր քայլերից մեկը։ Կենտրոնի լիարժեք գործարկումը նախատեսվում է 2026 թվականի մարտին։

📌 Հայաստանը՝ առաջատարների թվում

Հայաստանը դարձել է աշխարհում առաջին երկրներից մեկը, որտեղ տեղակայվել են NVIDIA-ի նորագույն Blackwell B300 GPU-ները։ Eleveight AI-ը տվյալների կենտրոնում տեղադրել է 512 NVIDIA B300 GPU, որոնք նախատեսված են գեներատիվ AI մոդելների, ձեռնարկությունների լուծումների և գիտական հաշվարկների ուսուցման ու գործարկման համար։

⚙️ Տեխնիկական հնարավորություններ

• Ընդհանուր հզորություն՝ 1.2 ՄՎտ,

• Մասշտաբավորում՝ մինչև 2.0 ՄՎտ,

• Նախատեսված է անընդհատ բարձր բեռների համար,

• Օգտագործվում են վերականգնվող էներգիայի աղբյուրներ։

🏗 Նախագծին նախորդել է ենթակառուցվածքների լայն արդիականացում՝ էլեկտրամատակարարում, սառեցում և մոնիթորինգ։ Սարքավորումները տեղադրվել են փուլային եղանակով։

💬 Eleveight AI-ի դիրքորոշումը

Գործադիր տնօրեն Արման Ալեքսանյանի խոսքով՝ Blackwell B300-ի գործարկումը Հայաստանի մուտքն է միջազգային AI ենթակառուցվածքների քարտեզ։ Բիզնեսի զարգացման տնօրեն Դավիթ Առաքելյանը նշել է, որ 2027-ին նախատեսվում է ընդլայնում՝ թե՛ հաշվարկային հզորությունների, թե՛ աշխարհագրական հասանելիության առումով։

💰 Ներդրումներ և աշխատատեղեր

• Ընդհանուր մասնավոր ներդրում՝ մոտ 60 մլն դոլար,

• Ներկայումս աշխատում է 15 մասնագետ, թիմը կաճի,

• Հզորությունները կտրամադրվեն կորպորատիվ հաճախորդներին, ստարտափներին և գիտական կառույցներին։

🌍 Ռազմավարական նշանակություն

Ընկերության գնահատմամբ՝ Հայաստանը հնարավորություն ունի անցում կատարել տաղանդների արտահանման մոդելից դեպի տարածաշրջանային AI ենթակառուցվածքների կենտրոն, ինչը թույլ կտա տեղական ստարտափներին և գիտական խմբերին մրցունակ լուծումներ ստեղծել՝ առանց երկրից դուրս գալու։