Հայաստանում 100 տարին լրացած քաղաքացիները կստանան միանվագ 1 միլիոն դրամ աջակցություն։
Պաշտոնական տվյալներով՝ երկրի ամբողջ տարածքում կա 71 քաղաքացի, որոնց 100 տարին արդեն լրացել է կամ կլրանա այս տարվա ընթացքում։
Միևնույն ժամանակ, սահմանվել են որոշ սահմանափակումներ․
— Գումարը չի տրամադրվի այն անձանց, որոնք կորցրել են կենսաթոշակ ստանալու իրավունքը։
— Աջակցությունը չի վճարվի նաև տվյալ անձի մահվան դեպքում։
— Միանվագ գումարը չի տրամադրվի այն քաղաքացիներին, որոնք Երևանի ավագանու որոշմամբ արդեն ստացել են նմանատիպ աջակցություն։
Ծրագիրը նպատակ ունի խրախուսել երկարակեցությունը և սոցիալական աջակցություն տրամադրել ամենատարեց քաղաքացիներին։
