ՀՀ առողջապահական և աշխատանքի տեսչական մարմինը կարգադրագիր է տվել «Ֆերետաբ քոմպ» դեղի մի շարք սերիաների շրջանառությունը դադարեցնելու և դրանք հետ կանչելու վերաբերյալ։

Որոշումն ընդունվել է՝ հիմք ընդունելով Դեղերի և բժշկական տեխնոլոգիաների փորձագիտական կենտրոնի 2026 թվականի մարտի 16-ի գրությունն ու կից փորձաքննության եզրակացությունը։ Կարգադրագիրը 2026 թվականի մարտի 17-ին հասցեագրվել է դեղամիջոցի ներմուծմամբ զբաղվող մի շարք ընկերությունների։

Խոսքը վերաբերում է Ֆերետաբ քոմպ դեղապատիճների մի քանի սերիաների, որոնց պիտանելիության ժամկետները տարբեր են՝ 2026-ից մինչև 2027 թվականները։

Պատասխանատու կողմ հանդիսացող Ացինո ֆարմա ԱԳ ընկերության տրամադրած տեղեկատվության համաձայն՝ լաբորատոր հետազոտությունների ընթացքում արձանագրվել է երկաթի պարունակության անհամապատասխանություն սահմանված չափորոշիչներին, ինչի արդյունքում նշված սերիաները ենթակա են պարտադիր հետկանչի։

Տեսչական մարմինը հորդորում է դեղատներին և սպառողներին ուշադրություն դարձնել նշված սերիաներին և դադարեցնել դրանց օգտագործումը։