Երևանի քաղաքային տնկարանում ներկայացվել են գարնանային տնկարկի նախապատրաստական աշխատանքներն ու 2024թ.-ին նախատեսվող ծրագրերը:  «Սա 4 հիմնական բարեփոխումներից մեկի բաղադրիչն է։ Երևանն այլևս ներկրում է հասուն ծառեր, ինչպես յուրաքանչյուր զարգացած եվրոպական երկիր»,-ասել է Բեգոյանը։ 2022-23թթ․ ընթացքում հաջողվել է շուրջ 35 հա անտառտնկարկներ հիմնել, որոնք էլ հանդիսանալու են Երևանի թոքերը։ Արդարացիորեն բողոքում են Երևանի կանաչ զանգվածի քիչ լինելուց, բայց չեն նկատում, որ բազմաթիվ փողոցներում առկա ծառերից մնացած բները ոչինչ չեն անում քաղաքի համար։ Թեղիները փոխարինվում են ֆունկցիոնալ առումով արժեքավոր ծառատեսակներով։ Միլիարդավոր գումարներ են պետք այս ռեֆորմների համար։