Մեծ Բրիտանիայի ավտոարտադրողները պնդում են, որ դեպի Ադրբեջան ավտոմեքենաների արտահանման աննախադեպ՝ 2,000% աճը կապ չունի Ռուսաստանի հետ և բացատրվում է նրանով, որ Ադրբեջանը «ինքնուրույն ծաղկող շուկա է»: Բրիտանական ավտոմոբիլային սեկտորն այս տարվա առաջին ամսին 40 միլիոն ֆունտ արժողությամբ ավտոմեքենաներ է ուղարկել Ադրբեջան՝ նոր հարցեր առաջացնելով, թե արդյոք այդ մեքենաներն այնտեղից ուղարկվել են Ռուսաստան՝ պատժամիջոցները շրջանցելով: Թեև ավտոմեքենաների ուղղակի արտահանումը Ադրբեջանից Ռուսաստան մնում է զրոյական մակարդակում պատժամիջոցների սահմանումից ի վեր, հունվարին 43 միլիոն ֆունտ ստերլինգ արժողությամբ մեքենաներ են ուղարկվել Ադրբեջանից Ռւսաստան: Սա նշանակում էր, որ Ադրբեջանն, այժմ բրիտանական մեքենաների 12-րդ ամենամեծ արտասահմանյան շուկան է՝ Շվեյցարիայից, Կանադայից և Իսպանիայից և նման երկրներից։ Մեծ Բրիտանիայի ավտոարտադրողները պարտավորվել են ավտոմեքենաներ չուղարկել Ռուսաստան, քանի որ պատժամիջոցները պաշտոնապես արգելում են դա: Առանձին պատժամիջոցներ կան, որոնք հատուկ արգելում են 42,000 ֆունտ ստերլինգից ավելի մեքենաների առևտուրը: Ճիշտ նույն ժամանակահատվածում, երբ բրիտանական ավտոմեքենաների արտահանումն Ադրբեջան կտրուկ աճել է, Ադրբեջանից Ռուսաստան ավտոմեքենաների արտահանման գրեթե միաժամանակյա աճ է գրանցվել: Մեծ Բրիտանիայից Ադրբեջան ուղարկված մեքենաների միջին արժեքը առևտրային տվյալների մեջ ցույց է տալիս, որ բրիտանական արտահանման նմանատիպ աճ է նկատվել Ղազախստանում, Հայաստանում և Վրաստանում: Մեծ Բրիտանիայի ավտոմոբիլային լոբբիստական խմբի՝ Motor Manufacturers and Traders Society-ի (SMMT) ներկայացուցիչն ասել է, որ իրենք ապացույցներ չեն հայտնաբերել, որ Ադրբեջան ուղարկվող մեքենաները նախատեսված են եղել Ռուսաստանի համար, և որ դրանք վկայում են այն մասին, որ այն «իր տարածքում ծաղկող շուկա է»:
«Մեծ Բրիտանիայի ավտոմեքենաների արտահանումը Ադրբեջան, ինչպես նաև աշխարհի շատ երկրներ, աճել է մի շարք գործոնների պատճառով, հատկապես՝ ծաղկող տնտեսության, նոր մոդելների թողարկման և պահանջարկի առկայության պատճառով», – ասվում է փաստաթղթում:
Այնուամենայնիվ, այն գաղափարը, որ արտահանումը վկայում է ծաղկող տնտեսության մասին, կտրուկ հակասում է տնտեսական տվյալներին, որոնք ցույց են տալիս, որ Ադրբեջանի մեկ շնչին բաժին ընկնող ՀՆԱ-ն մեկուկես տասնամյակ շարունակ անփոփոխ է և գնողունակության հավասարության պայմաններում կազմում է $15,000:
Համաճարակին նախորդող երկու տարուց ի վեր Ադրբեջան ավտոմեքենաների արտահանման արժեքն աճել է ավելի քան 2,000%-ով։ Աշխարհում ոչ մի զգալի ավտոշուկա չի մեծացել, բացառությամբ Ղազախստանի՝ Ռուսաստանի մյուս հարևանի, որի բրիտանական արտադրության ավտոմեքենաների ներմուծումն աճել է 800%-ով։
SMMT-ն ասում է՝ «Որտեղ էլ որ Մեծ Բրիտանիայի ավտոմոբիլային արդյունաբերությունը արտահանում է, այն պարտավորվում է պահպանել բոլոր առևտրային և տնտեսական պատժամիջոցները և շարունակում է սերտորեն համագործակցել կառավարության և պատժամիջոցների նոր գրասենյակի հետ՝ ապահովելու կանոնակարգերի արդյունավետ իրականացումը»։
«Չկա որևէ ապացույց այն մասին, որ այդ պարտավորությունը վտանգված է, և ճիշտ է մշտադիտարկել ցանկացած հնարավոր խոցելիություն արագընթաց և զարգացող միջավայրում»։
«Ավտոմոբիլային արդյունաբերությունը շարունակում է երկխոսության մեջ մնալ կառավարության և այլ միջազգային գործընկերների հետ՝ կիրառելով համակարգված առևտրային սահմանափակումներ՝ ապահովելու պատժամիջոցների տառին և ոգուն հավատարմությունը բոլոր խոցելի հատվածներում»:
Թեև Ադրբեջան գնացող մեքենաների քանակը փոքր է, այդ մեքենաների արժեքը մշտապես բարձր է, միջինը գերազանցում է 100,000 ֆունտ ստեռլինգը և հուշում է, որ դրանք հիմնականում շքեղ մեքենաներ են: Նման հոսքեր են հայտնաբերվել եվրոպական այլ երկրներից, այդ թվում՝ Գերմանիայից և Լեհաստանից, դեպի Ռուսաստանին հարևան նախկին խորհրդային այլ երկրներ: Ավտոմոբիլային ընկերությունները պետք է ուսումնասիրեն իրենց պատվերները՝ համոզվելու համար, որ դրանք համապատասխանում են պատժամիջոցների կանոններին:
