Հարավարևելյան Ասիայի վեց երկրների միջև վիզաների համատեղ ծրագրի նախաձեռնությունը գլխավորում է Թաիլանդը։ Թաիլանդի գործընկերները կարող են լինել Կամբոջան, Լաոսը, Մալայզիան, Մյանմարը և Վիետնամը։ Վեց երկիր միայն անցյալ տարի ընդունել է մոտ 70 միլիոն զբոսաշրջիկի։ Այս ցուցանիշի կեսից ավելին ստացվել է Թաիլանդից և Մալայզիայից՝ 2023 թվականին զբոսաշրջությունից երկու երկրների եկամուտը կազմել է մոտ 48 միլիարդ դոլար։Սրետայի վարչակազմը նպատակ է դրել մինչև 2027 թվականը ներգրավել 80 միլիոն զբոսաշրջիկ։ Չնայած «Հարավասիական Շենգեն» նախաձեռնությունը քննարկվում էր 2000-ականների սկզբից, այժմ երկրներն իսկապես մոտ են համաձայնության գալուն։ Այսպիսով, պետությունները մտադիր են պաշտպանել իրենց տնտեսությունները «դանդաղ արտահանումից և թույլ համաշխարհային պահանջարկից»: C9 Hotelworks խորհրդատվական ընկերության ներկայացուցիչը նշել է, որ «եթե ամեն ինչ ճիշտ արվի», երկրների միջև առանց վիզայի ռեժիմը կանդրադառնա ոչ միայն զբոսաշրջության, այլև գործնական և կոմերցիոն ճանապարհորդությունների զարգացման վրա։ Թաիլանդի հյուրանոցների ասոցիացիայի նախկին նախագահ Մարիսա Սուկոսոլն ավելացրել է, որ նման վիզան կարող է մոտիվացնել զբոսաշրջիկներին, ովքեր տատանվում են երկար ճանապարհորդելու հարցում։ Դա անելու համար վիզայի ժամկետը պետք է երկարացվի մինչև 90 օր՝ սովորական 30-օրյա ժամկետից: