Թուրքիան բանակցություններ է վարում ամերիկյան էներգետիկ հսկայի՝ ExxonMobil-ի հետ հեղուկ բնական գազի գնման բազմամիլիարդանոց գործարքի շուրջ՝ փորձելով նվազեցնել իր էներգետիկ կախվածությունը Ռուսաստանից:

Թուրքիայի էներգետիկայի նախարար Բայրաքթարը ասել է, որ երկիրը ձգտում է կառուցել «մատակարարման նոր պորտֆել», որը նրան կդարձնի ավելի քիչ կախված որևէ մեկ գործընկերոջից: Ծրագիրը կարող է տևել մեկ տասնամյակ: Նա նշել, որ Exxon-ի հետ քննարկվող երկարաժամկետ գործարքի միջոցով Թուրքիան կապահովի տարեկան մինչև 2,5 մլն տոննա հեղուկ բնական գազ: Exxon-ի գործարքի առևտրային պայմանները դեռ քննարկման փուլում են: