Ամերիկյան դատարանը խոշորագույն Binance կրիպտո փոխանակման հիմնադիր և նախկին ղեկավար, որին կրիպտոշրջանակներում սովորաբար անվանում են «CZ», Չանգպեն Չժաոյին չորս ամսվա ազատազրկման է դատապարտել։ Գործարարը մեղադրվում է փողերի լվացման և պատժամիջոցները խախտելու մեջ։
WSJ-ի տվյալներով՝ Չժաոն ընդունել է մեղքը և համաձայնել է վճարել 50 միլիոն դոլար տուգանք։ Բացի այդ, միլիարդատերը դատական նիստին ինքնակամ եկել է ԱՄԷ-ից ԱՄՆ։
Հետաքննության համաձայն՝ Binance-ի նախկին ղեկավարը խախտել է Բանկային գաղտնիքի մասին օրենքը, և նրա ղեկավարությամբ կրիպտո փոխանակման միջոցով մշակվել է ավելի քան 1,5 միլիոն փոխանցում՝ 900 միլիոն դոլար արժողությամբ՝ ահաբեկչությունը և այլ անօրինական գործողություններ ֆինանսավորելու համար, այդ թվում՝ աջակցություն պատժամիջոցները շրջանցելու հարցում:
Մեղադրող կողմը Ժաոյի համար պահանջել է երեք տարվա ազատազրկում։ Դա կրկնապատիկ է ստանդարտ 18-ամսյա պատիժը նման խախտումների համար, քանի որ դատախազներն ասում էին, որ «Ժաոյի անօրինական գործողությունների շրջանակն ու հետևանքները հսկայական էին»:
Միլիարդատիրոջ փաստաբանները վիճել են տնային կալանքի համար՝ նշելով, որ «Բանկային գաղտնիքի մասին օրենքի բացառապես նմանատիպ գործով ոչ մի մեղադրյալ երբևէ չի դատապարտվել ազատազրկման»:
Binance-ի համահիմնադիր Չժաոյի 33 մլրդ դոլար կարողությունը ակնկալվում է, որ կաճի, չնայած չորս ամիս բանտ նստելուն:
