Կենտրոնը նախատեսվում է կառուցել Շաքի գյուղի մոտ՝ ապագա Հյուսիս-Հարավ մայրուղու հարևանությամբ։ Այնտեղ կստեղծվեն տրանսպորտային միջոցների զննման, բեռների գրանցման և փոխադրման համար անհրաժեշտ բոլոր թույլտվությունների տրամադրման վայրեր։ ՎԶԵԲ-ի հետ 12 մլն դոլարի պայմանագիր է կնքվել։ Նման կենտրոնի անհրաժեշտությունը պայմանավորված է նրանով, որ մի շարք բեռներ մաքսազերծվում են ոչ թե սահմանին, այլ երկրի ներսում գտնվող մաքսային պահեստներում։