Գրասենյակը նախատեսված է ավելի քան 450 մարդու համար, այնտեղ կաշխատեն բարձր որակավորում ունեցող ՏՏ մասնագետներ՝ ծրագրավորողներ, դիզայներներ, մենեջերներ, որոնք մշակում են Yandex տեխնոլոգիաները Հայաստանի և այլ շուկաների համար։ Yandex-ը Հայաստանում գործում է ավելի քան 8 տարի։ Հայաստանը մեկնարկած ծառայությունների քանակով մեր միջազգային ներկայության շուկաների եռյակում է։ Մեծ գրասենյակը կօգնի ստեղծել նոր աշխատատեղեր և զարգացնել ընկերության ծառայությունները հայկական շուկայում։ Մոսկովյան 35 հասցեում գտնվող գրասենյակային շենքում հայտնվել է Yandex Hall-ը՝ Հայաստանի ՏՏ համայնքին աջակցելու համար ստեղծված հանրային տարածք։ Այնտեղ հանդիպումներ կանցկացվեն հինգ ոլորտներում՝ Backend, ML, Product and Project Management, People Management, NewBiz, դրանք կվերահսկվեն YerevanNN, Armenian Code Academy, Product People և LIT Academy համայնքների կողմից: Բացի այդ, Յանդեքս Արմենիան հայտարարում է մեքենայական ուսուցման ոլորտում գիտահետազոտական աշխատանքների համար 17 մլն դրամի կրթաթոշակներ հատկացնելու մասին։