Հայաստանը դարձավ 43-րդ երկիրը, որը ստորագրեց Արտեմիսի համաձայնագիրը ՆԱՍԱ-ի հետ Լուսնի, Մարսի և տիեզերական այլ օբյեկտների ու տարածքների հետախուզման և զարգացման համատեղ գործունեության վերաբերյալ: Փաստաթուղթը կապված է NASA-ի կողմից դեռ 2012 թվականին հայտարարված լուսնային ամերիկյան ծրագրի հետ։ Այն անվանվել է հին հույների մոտ լուսնի աստվածուհու՝ Արտեմիսի պատվին։ Ծրագրի նպատակն է մարդկանց վերադարձնել Լուսին մինչև 2024 թվականը և կայուն ներկայություն հաստատել Լուսնի վրա մինչև 2028 թվականը: Այն նաև նպատակ ունի ուսումնասիրել Մարսը և տիեզերական այլ օբյեկտները:
«Այսօրվա ստորագրումը հիմնված է կարևոր հիմքերի վրա։ Հայաստանը վաղուց է նայում դեպի երկինք և օգնում մարդկությանը հասկանալ դրանք: Դառնալով այս տարի Արտեմիսի համաձայնագրերը ստորագրած տասներորդ երկիրը՝ մենք ապացուցում ենք, որ հետազոտությունները մարդկանց միավորում են այնպես, որ քչերը կարող են: Մենք կշարունակենք ընդլայնել մարդկության հասանելիությունը տիեզերքում՝ միասին»,- ասել է NASA-ի ադմինիստրատոր Բիլ Նելսոնը:
«Ստորագրելով այս համաձայնագրերը՝ Հայաստանը միանում է այն երկրների համայնքին, որոնք ձգտում են ընդլայնել մարդկային գիտելիքների և կարողությունների սահմանները տիեզերքում»,- ասաց Բարձր տեխնոլոգիական արդյունաբերության նախարար Մխիթար Հայրապետյանը, ով ստորագրել է փաստաթուղթը հայկական կողմից։ «Մեր մասնակցությունը ոչ միայն կընդլայնի մեր տեխնոլոգիական հնարավորությունները, այլև կոգեշնչի հայերի նոր սերնդին երազելու մեծ երազանքների, նորարարությունների և աշխարհը և տիեզերքը ուսումնասիրելու համար»:
