Երևանի քաղաքապետ Տիգրան Ավինյանի խոսքով՝ աղբի վերամշակման խնդիրը քաղաքային իշխանությունների օրակարգում ամենաառաջնայիններից է։
«Աղբի վերամշակման ոլորտում մեր խնդիրը գնահատում ենք հրատապ, և այս ծրագիրը մեզ համար առաջնահերթ է։ Այն աստիճան առաջնահերթ, որ զուգահեռ երկու գործընթաց ենք իրականացնում։ Որ գործընթացով կտեսնենք, որ արդյունքն ավելի մոտ է լինելու, ավելի արդյունավետ է լինելու, դրանով էլ առաջ կշարժվենք», – ասել է Ավինյանը։
Քաղաքապետը հավելել է, որ նպատակն է ստեղծել առավել արդյունավետ և ժամանակակից համակարգ, որը կբարձրացնի քաղաքի էկոլոգիական անվտանգությունը։
