Շիրակի մարզի Ամասիա համայնքը ստացել է ժամանակակից գյուղատնտեսական սարքավորումներ՝ ՄԱԿ-ի Միգրացիայի միջազգային կազմակերպության նվիրատվությամբ։

Նվերները ներառում են նոր սերնդի գյուղատնտեսական անօդաչու թռչող սարքեր (ԱԹՍ), որոնք նախատեսված են դաշտերի մշակման և պարարտացման համար։

ԱԹՍ-ների առանձնահատկությունները՝

• կարող են մշակել և պարարտացնել բույսերը թունաքիմիկատներով՝ առանց հողին կամ մշակաբույսերին մեխանիկական վնաս հասցնելու,

• արտադրողականությունը հասնում է ժամում մինչև 10 հեկտար,

• նպաստում են արդյունավետ և անվտանգ գյուղատնտեսական աշխատանքների իրականացմանը։

Այս սարքավորումների ներդրումը հնարավորություն կտա բարձրացնել գյուղատնտեսական արտադրողականությունը և մարդկային ուժի վրա ծանրաբեռնվածությունը նվազեցնել։