ԱՄՆ Միջազգային զարգացման գործակալությունն աջակցում է Հայաստանի կառավարությանը ռազմավարական հաղորդակցությունը դարձնելու առավել արդյունավետ։

Վերջերս, ԱՄՆ ՄԶԳ-ի ֆինանսավորմամբ գործող «Ռազմավարական հաղորդակցության աջակցություն» ծրագիրը մեկ հարկի տակ էր հավաքել պետական ​​կառույցների մամուլի քարտուղարներին և հաղորդակցության մասնագետներին։ Քննարկման առանցքային թեման ճգնաժամերի և արտակարգ իրավիճակների ընթացքում պետական ​​հաղորդակցության մարտահրավերների թիրախավորումն էր։

Կազմակերպիչները ներկայացրեցին ծրագրի նպատակները և նախատեսվող
միջոցառումները՝ դժվարին իրավիճակներում հաղորդակցության առավել օգտակար գործիքների կիրառման և արդյունավետ համակարգման համար: