Բրիտանական Անտարկտիդայի ծառայությունը (BAS) հրապարակել է Անտարկտիդայի մակերևույթի եզակի քարտեզ՝ հիմնված վերջին 60 տարվա տվյալների վրա։ Սառցե շերտի հաստությունը, որը ծածկում է մայրցամաքը, տատանվում է 1000-ից 2000 մետր, իսկ որոշ հատվածներում հասնում է մինչև 4000 մետրի։ Այստեղ կենտրոնացված է աշխարհի քաղցրահամ ջրի մինչև 70 %-ը՝ ընդհանուր առմամբ 27 միլիոն խորանարդ կիլոմետր։

Տվյալները հավաքվել են արբանյակների, ինքնաթիռների, նավերի, ռադարների, սոնարների միջոցով, ինչպես նաև հետազոտողների ջանքերով, ովքեր սահնակներով հատել են վեցերորդ մայրցամաքը։ Սա երրորդ քարտեզն է 2001 թվականից ի վեր և զգալիորեն ավելի մանրամասն է նախորդ տարբերակների համեմատ։

Քարտեզի վրա ներկայացված են ամենաբարձր լեռները և ամենախոր կիրճերը՝ այն վայրերը, որտեղ սառցե շերտի բարձրությունը հասնում է 4757 մետրի։ Այն հնարավորություն է տալիս ուսումնասիրել սառցադաշտերի շարժը, տաք ստորգետնյա գետերի ազդեցությունը դրանց վրա և հնարավոր գլոբալ հետևանքները։

Գիտնականների գնահատմամբ, եթե Անտարկտիդայի ողջ սառույցը հալչի, ապա համաշխարհային օվկիանոսի մակարդակը կբարձրանա 58 մետրով, իսկ մայրցամաքն, ազատվելով 24 759 քվադրիլիոն տոննա ծանրությունից, բառացիորեն «կբարձրանա» օվկիանոսից՝ բազմակի անգամ մեծացնելով իր մակերեսը։