Apple-ն իր iPhone 16 Pro-ի արտադրությունը մասամբ Չինաստանից Հնդկաստան կտեղափոխի։ Այս մոդելն առաջին Pro-տարբերակը կլինի, որը կարտադրվի ոչ Չինաստանում։

Նշվում է, որ Apple-ի ֆլագմանի արտադրությունը Հնդկաստանում կսկսվի սեպտեմբերին iPhone 16-ի շարքի շնորհանդեսից հետո։ iPhone 16 Pro-ի առաջին խմբաքանակը կարտադրվի Չինաստանում, այնուհետև այդ տարբերակը կարտադրվի և՛ Չինաստանում, և՛ Հնդկաստանում։

Ներկայում Հնդկաստանում արտադրվում է այֆոնների շուրջ 14%-ը, սակայն Apple-ը ծրագրում է հնդկական արտադրությունը հասցնել 25%-ի։ Ընդ որում, iPhone 17-ի ամբողջ շարքը, ամենայն հավանականությամբ, կհավաքվի միայն Հնդկաստանում։