Ճանապարհատրանսպորտային պատահարները ոչ միայն մարդկային կյանքեր են խլում, այլև ծանր ֆինանսական բեռ են դնում երկրների վրա։ Արևելյան գործընկերության ճանապարհային անվտանգության դիտարանի տվյալներով՝ 2023 թվականին մահացությունների և լուրջ վնասվածքների հետևանքով առաջացած տնտեսական վնասները տարածաշրջանում հասել են հարյուրավոր միլիոնավոր դոլարների։

Հայաստանում այս ցուցանիշը կազմել է 1.03 միլիարդ դոլար, որից 216 միլիոն՝ մահացությունների, և 810 միլիոն՝ լուրջ վնասվածքների հետևանք է։ Վրաստանում ընդհանուր վնասը գնահատվում է 1.21 միլիարդ դոլար, իսկ Մոլդովայում՝ 545 միլիոն դոլար։

Փորձագետների խոսքով՝ ճանապարհային անվտանգության ոլորտում նպատակային ներդրումները ոչ միայն փրկում են կյանքեր, այլև էականորեն նվազեցնում են պետության վրա ծանրացող ֆինանսական կորուստները։