Artemis II առաքելության տիեզերագնացները հաջողությամբ պտույտ են կատարել Լուսնի շուրջ և արդեն վերադառնում են Երկիր։

Առաքելության ընթացքում տիեզերանավը հասել է ռեկորդային հեռավորության՝ Երկրից 406,771 կմ, ինչը գերազանցում է Apollo 13 առաքելության 1970 թվականի ցուցանիշը՝ 400,171 կմ։

Լուսնի հակառակ կողմում գտնվելու ընթացքում անձնակազմը շուրջ 40 րոպեով կորցրել է կապը Երկրի հետ։ Այդ ընթացքում նրանք ականատես են եղել Լուսնի մակերևույթին երկնաքարերի անկման, ինչպես նաև դիտարկել են խավարում՝ եզակի դիտակետից, երբ Արեգակը ամբողջությամբ թաքնվել է Լուսնի ետևում։

Տիեզերագնացների հետ կապ է հաստատել նաև ԱՄՆ նախագահ Դոնալդ Թրամփը՝ ընդգծելով առաքելության պատմական նշանակությունը և նրանց հրավիրելով Սպիտակ տուն։

Ակնկալվում է, որ անձնակազմը Երկիր կվերադառնա ապրիլի 10-ին։ «Արտեմիս» ծրագրի շրջանակում NASA-ն նախատեսում է մինչև 2028 թվականը Լուսնի վրա ստեղծել կայան, որը հետագայում կարող է ծառայել որպես հենակետ դեպի Մարս իրականացվող առաքելությունների համար։