Հայաստանի կառավարությունը հաստատել է համաձայնագրերի ստորագրումը Լոնդոնի Արվեստի Համալսարան-ի և Շոտլանդիայի Թագավորական Կոնսերվատորիա-ի հետ՝ «Ակադեմգորոդոկ» նախագծի շրջանակում արվեստի կլաստերի հայեցակարգ մշակելու նպատակով։

Ով ինչով կզբաղվի

• Լոնդոնի Արվեստի Համալսարան – կզարգացնի արվեստի և դիզայնի բոլոր ուղղությունները (բացառությամբ երաժշտության)։ Պայմանագրի արժեքը կազմում է 369,000 ֆունտ ստեռլինգ։

• Շոտլանդիայի Թագավորական Կոնսերվատորիա – պատասխանատու կլինի երաժշտական բաղադրիչի համար՝ ներառյալ հնչյունային ինժեներիան։ Պայմանագրի արժեքը՝ 371,000 ֆունտ ստեռլինգ։

Համագործակցությունը նախատեսված է 24 ամսվա համար և կիրականացվի երեք փուլով։

Ավելի լայն կրթական ծրագրեր

Կառավարությունն արդեն համագործակցում է նաև այլ առաջատար բուհերի հետ՝ տարբեր կրթական կլաստերների ստեղծման ուղղությամբ․

• Լոնդոնի Համալսարանական Քոլեջ – կրթական կլաստեր

• Մյունխենի տեխնիկական համալսարան – տեխնոլոգիական կլաստեր (առաջին փուլն արդեն ավարտված է)

• Քեմբրիջի համալսարան – ընթանում են բանակցություններ դասական կլաստերի շրջանակում

Նախաձեռնության նպատակն է ձևավորել ժամանակակից կրթական միջավայր և զարգացնել ստեղծարար ու տեխնոլոգիական ոլորտները Հայաստանում՝ միջազգային առաջատար փորձի ներգրավմամբ։