Չեղարկված կամ ուշացած չվերթների պատճառով նոր տոմս ձեռք բերած ՀՀ քաղաքացիներին նախատեսվող փոխհատուցման տրամադրման կարգը դեռևս մշակման փուլում է։ Այս մասին հայտնել է ՀՀ արտաքին գործերի նախարարություն-ը։
Նախագծի համաձայն՝ այն քաղաքացիները, որոնց վերադարձի ուղիղ կամ տարանցիկ չվերթները չեղարկվել են Մերձավոր Արևելքում ստեղծված իրավիճակի պատճառով, և ովքեր ստիպված են եղել ինքնուրույն ձեռք բերել նոր տոմս, կարող են ստանալ մինչև 250,000 դրամ փոխհատուցում։
ԱԳՆ-ի հաղորդմամբ՝ նախաձեռնության տեխնիկական և կազմակերպչական մանրամասները դեռ մշակվում են, և վերջնական կարգը կհաստատվի կառավարության կողմից։ Դրանից հետո միայն կհրապարակվեն դիմումների ներկայացման ընթացակարգը, անհրաժեշտ փաստաթղթերի ցանկը և մյուս պայմանները։
Նշվում է, որ ծրագրի վերաբերյալ լրացուցիչ տեղեկատվություն կհրապարակվի պաշտոնական հարթակներում, իսկ շահառու քաղաքացիներին կտրվեն հստակ ցուցումներ փոխհատուցում ստանալու գործընթացի վերաբերյալ։
