Microsoft Azure ամպային հաշվողական պլատֆորմի զանգվածային խափանումը տուժել է 8,5 միլիոն սարքի վրա ամբողջ աշխարհում: Microsoft-ի տվյալներով՝ սա Windows օպերացիոն համակարգով աշխատող բոլոր սարքերի 1%-ից քիչ է: Այս մասին Microsoft-ը հայտնել է իր բլոգում։ Ընկերությունը նախանշել է այն քայլերը, որոնք ձեռնարկել է CrowdStrike-ի հետ՝ սխալը շտկելու համար: Մասնավորապես, «Մայքրոսոֆթի հարյուրավոր ինժեներներ և փորձագետներ» ներգրավված են եղել սարքերի ճիշտ աշխատանքի վերականգնման համար։ Բացի այդ, ընկերությունը համագործակցել է երրորդ կողմի ամպային ծառայություններ մատուցողների հետ, ինչպիսիք են Google Cloud Platform-ը և Amazon Web Services-ը: Microsoft-ը պարզաբանել է, որ ծրագրային ապահովման թարմացումները կարող են առաջացնել համատարած խափանումներ, սակայն CrowdStrike միջադեպի նման իրադարձությունները «հաճախ չեն լինում»։ Ընկերությունը հավելեց, որ մշակել է լուծում, որը թույլ կտա արագորեն դիմակայել նման իրավիճակին ապագայում։ «CrowdStrike-ի թարմացումն ազդել է 8,5 միլիոն Windows սարքերի վրա կամ բոլոր Windows համակարգիչների 1%-ից պակաս: Չնայած այս տոկոսը փոքր էր, սակայն զգալի սոցիալական և տնտեսական ազդեցությունը ցույց է տալիս, որ CrowdStrike-ն օգտագործվում է կարևոր ծառայություններ մատուցող կազմակերպությունների կողմից», – ասվում է կորպորացիայի հայտարարության մեջ: Օգտատերերը հայտնել են Windows 10 սարքերի մահվան կապույտ էկրանների մասին, ներառյալ ցուցատախտակները և հեռուստաէկրանները: Պարզվեց, որ խնդիրը կապված է CrowdStrike կորպորատիվ հակավիրուսի թարմացման հետ։