ՀՀ կառավարությունը հաստատել է Պետական գույքի կառավարման կոմիտեի ներկայացրած փոփոխությունների փաթեթը, որը վերաբերում է պետական գույքի էլեկտրոնային աճուրդների անցկացման և օտարման ընթացակարգերին։
🔹 Աճուրդների տևողություն
- Էլեկտրոնային աճուրդի տևողությունը 1 աշխատանքային օրվա փոխարեն կսահմանվի 3 օր՝ հայտերի ներկայացման համար ավելի լայն ժամանակահատված ապահովելու նպատակով։
🔹 Անբարեխիղճ մրցակցության սահմանափակում
- Վարձակալության աճուրդների դեպքում նախավճարը կբարձրացվի մինչև 300%՝ կախված մեկնարկային արժեքից։
- Աճուրդում հաղթած, բայց արձանագրությունը չստորագրած մասնակիցը կզրկվի նույն լոտի հետագա աճուրդներին մասնակցելու իրավունքից։
🔹 Լոտերի հայտարարությունների հրապարակում
- Շարժական գույք՝ աճուրդից առնվազն 15 օր առաջ
- Անշարժ գույքի աճուրդ՝ առնվազն 45 օր առաջ
- Անշարժ գույքի վաճառքի մրցույթ՝ առնվազն 60 օր առաջ
🔹 Հողամասերի վաճառք
- Չկառուցապատված հողամասերի վաճառքի դեպքում պարտադիր կկցվի քաղաքաշինական սահմանափակումների վերաբերյալ տեղեկանք։
- Վաճառքի հիմք կընդունվի գործող շուկայական արժեքը, ոչ թե կադաստրայինին մոտարկված արժեքը։
🔹 Գնագոյացում
Շարժական գույք
- Առաջին աճուրդ՝ գնահատված արժեքի 100%
- Չվաճառվելու դեպքում հաջորդ աճուրդներում գինը կնվազի 15%-ով, առանց ստորին շեմի
Անշարժ գույք
- Առաջին աճուրդ՝ շուկայական արժեքի 100%
- Երկրորդ աճուրդ՝ 85%
- Երրորդ աճուրդ՝ 70%
🔹 Ուղղակի վաճառք
- Գինը սահմանվում է շուկայական արժեքի 100%, բացառությամբ կառավարության կողմից սահմանված հատուկ դեպքերի։
Փոփոխությունների նպատակն է պետական գույքի օտարման և վարձակալության գործընթացները դարձնել ավելի բաց, թափանցիկ և մրցակցային՝ բարձրացնելով հանրային վստահությունը։
