Հայաստանում կարող է ձևավորվել բլոկչեյն կրթության նոր կենտրոն։ Ethereum-ի համահիմնադիր և Web3 հիմնադրամի ղեկավար Գևին Վուդը հայտարարել է իր մտադրության մասին՝ Հայաստանում հիմնել Web3 համալսարան։
Հայտարարությունն արվել է Վուդի և Բարձր տեխնոլոգիական արդյունաբերության նախարար Մխիթար Հայրապետյանի հանդիպման ընթացքում, որը տեղի է ունեցել Երևանում։
Քննարկման հիմնական թեմաներն էին՝
- Հայաստանի դերի ամրապնդումը համաշխարհային Web3 էկոհամակարգում,
- բլոկչեյն կրթության զարգացումը,
- ստարտափների աջակցությունը և
- ներդրումային հնարավորությունները ոլորտում։
Նախաձեռնությունը դիտարկվում է որպես կարևոր քայլ՝ ուղղված Հայաստանի տեխնոլոգիական և կրթական ներուժի առաջխաղացմանը՝ ստեղծելով նոր հնարավորություններ երիտասարդ մասնագետների և նորարարական նախագծերի համար։
