Դաշնային հետաքննությունների բյուրոյի կիբեռանվտանգության գործակալությունը նախազգուշացնում է Android և iPhone օգտատերերին դադարեցնել չկոդավորված հաղորդագրությունների ուղարկումը տարբեր օպերացիոն համակարգերի օգտատերերին՝ կապված «Salt Typhoon» կիբերհարձակման հետ, որն ուղղված էր Միացյալ Նահանգների մի քանի խոշոր հեռահաղորդակցության մատակարարներին:
Կիբեռանվտանգության և ենթակառուցվածքների անվտանգության գործակալության (CISA) պաշտոնյաները նշում են, որ «Salt Typhoon»-ը՝ Չինաստանից գործող հաքերների խումբը, թիրախավորել է հեռահաղորդակցության ընկերություններին: Հաքերները մուտք են ստացել զանգերի տվյալների, որոշակի թիրախների ուղիղ հեռախոսազանգերի և այն համակարգերի, որոնք օգտագործվում են դատարանի որոշումների կատարման և իրավապահ ու հետախուզական մարմինների համար զանգերը վերահսկելու նպատակով:
Քանի որ կիբերհարձակումը դեռ ամբողջությամբ չի չեզոքացվել, պաշտոնյաները խրախուսում են օգտատերերին օգտվել կոդավորված հաղորդագրությունների համակարգերից:
Apple-ի iPhone և Google-ի Android սմարթֆոններն ապահովում են կոդավորված հաղորդագրությունների փոխանակումը միայն iPhone-ների կամ միայն Android-ների միջև, սակայն iPhone-ի և Android-ի օգտատերերի միջև հաղորդագրությունները կոդավորված չեն:
