Fitch վարկանշային գործակալությունը վերահաստատել է Հայաստանի՝ արտարժույթով երկարաժամկետ պարտավորությունների թողարկման սուվերեն վարկանիշը BB- մակարդակում՝ «կայուն» հեռանկարով, հաղորդում է ՀՀ ֆինանսների նախարարությունը։

Վարկանիշի հիմնավորումները

▪️ Տնտեսական աճ և կայուն քաղաքականություն – Վարկանիշը պայմանավորված է Հայաստանի շարունակաբար վարվող կայուն մակրոտնտեսական քաղաքականություններով և բարձր տնտեսական աճի տեմպերով, որոնք նպաստում են մեկ շնչին ընկնող եկամտի աճին։

▪️ Պետական բյուջե – Fitch-ը կանխատեսում է, որ պետական բյուջեի դեֆիցիտը

• 2025 թ. կաճի մինչև ՀՆԱ-ի 5.4%,
• իսկ 2026-2027 թթ. կկազմի միջինում 4.4%։

▪️ Տնտեսական ակտիվություն –

• 2025 թ. առաջին եռամսյակում ՀՆԱ-ի իրական աճը կազմել է 5.2%,
• Խթանող գործոններն են՝ ֆինանսական ծառայությունների և շինարարության ոլորտների աճը, ինչպես նաև կառավարության կապիտալ ծախսերը։

▪️ Աճի կանխատեսում –

• Սպասվում է, որ 2025 թ. տնտեսական աճը կկազմի 5%,
• Իսկ 2026-2027 թթ.՝ միջինում 4.7%։
  Սա պայմանավորված է ԼՂ-ից տեղահանվածների ներհոսքի կարճաժամկետ ազդեցության թուլացմամբ և Ռուսաստանի հետ տարանցիկ առևտրի ծավալների նվազումով։

▪️ Գնաճ –

• 2025 թ. առաջին կիսամյակում տարեկան գնաճը կազմել է 3.3%,
• Սա համապատասխանում է Կենտրոնական բանկի 3% թիրախային ցուցանիշին (±1 տոկոսային կետ թույլատրելի տատանումով)։

Fitch-ի գնահատականը վկայում է, որ չնայած արտաքին և ներքին մարտահրավերներին՝ Հայաստանի տնտեսությունը շարունակում է զարգանալ՝ ապահովելով վարկային կայունություն և ներդրումային վստահություն։